Um novo amigo na gardería

A Lula só se relaciona na gardería com os nenos que gatinham ou caminham, dos que nom se movem nom quere saber nada. A súa companheira de exploraçoms é umha nena que se chama Sabela. Dumha volta dixo-me a mestra Estrella que subirom as dúas xuntas a umha trona e depois nom sabíam como baixar.

Agora lévase tambem com um neno que se chama Hugo porque, aínda que aínda nom gatinha, empúrra-se com um pé e vai-se movendo. Contou-me a mestra Eva que coma Lula gatinha moi bem e o neno vai mais amodo, a nena de quando em vez para, senta, dá a volta e agarda por el.

Tambem me contou que hoje a nena foi parar a agardar por ele a carom do mantel da mesa, e entom a nena colheu o mantel e se tapou a carinha, e depois sacou o mantel de diante e botou a rir, e volveu tapar a cara e o volveu sacar e rir, a mestra Eva estaba abraiada e nom podía deixar de rir coa ocorrencia da Lula.

A canguro

A Lula está melhor, mesmo toma melhor as mencinhas e ja nom tem febre, mas o médico de urgéncias do luns disse que para se recuperar bem era melhor que tardase em ir à gardería e decidimos que nom fosse até o luns.

Manhá é festa e o venres vai ficar com os avós em Vigo mas hoje chamamos umha canguro para que a atendese e papá pudese trabalhar um pouco.

A canguro chámase Rebeca e foi moi doce com ela e ficamos encandados com ela. Ja temos soluçom para outra vez que a precisemos.

Quase afoga!

Leva días a berrar quando lhe damos as mencinhas, e isso que antes chuchaba do apiretal coma se fose da teta!

Hoje tivemos-lhe que dar o anti-biotico à força e quase afoga, abreu muito os olhos e a boca e depois botou umha cheia de flemas.

Eu tinha que ir trabalhar e papá ía quedar coa nena porque onte teve mais de 39 quase toda a tarde, e os dous quedamos preocupados com isto assi que papá chamou ao 061 (o telefone que salva aos pais preocupados de passar meia vida em urgéncias e aos médicos de urgencias de atender a meninhos que nom tem nada), e no 061 disserom-nos que a levásemos a urgéncias por se lhe tinham que dar as mencinhas por véa.

Papá chamara onte ao 061 porque a nena tinha muita fevre e o médico do 061 lhe disse que nom se preocupase, que como toma teta a nena tem o sistema imunológico de uma pessoa de 34 anos (e eu fiquei toda cheia, aínda que nom gostei muito de que consultase a minha idade).

Em urgéncias atendeunos um médico moi amábel que me preguntou qué comía a nena. Eu dissem-lhe um pouco avergonhada que tomaba teta e papa e fruita, mas que dende que estaba enferminha nom quería mais que teta e que nom lhe dera nada mais toda a fim de semá. A verdade é que tinha um pouco de medo de que me berrase por nom lhe dar a carne e as verduras mas ele disse que muito bem, que mentres estivese enferminha a teta era o melhor que podía tomar.

Se nom fosse pediatra de urgéncias igual pedía cambiar para ele!!!

Ja sabemos que tem !

Hoje á manhá quando levei à nena à gardería dixerom-me que tinha que levar à nena ao médico, dissem-lhes que onte nom poidera e que tinha cita para hoje á tarde, mas que foramos o martes e nos dissera que nom tinha nada. Elas concordam comigo em que algo tem.

Era quase a uma da tarde quando me chamarom da gardería para me dizer que fose buscar à nena porque tinha febre.

Fomos buscar à nena e a levamos a urxencias. Quando chegamos ja nom tinha febre, mas nos disserom que tinha conxuntivite, gastroenterite e otite, e que por causa da otite (que seica dóe muito) é por o que ao apoiar a cabezinha ao a pousar no berce era por o que espertaba e choraba. Mandarom-lhe tomar um antibiótico.

Á tarde fomos á doutora para que lhe mirase os ouvidos e lhe poidese fazer melhor o seguimento, e na sala de espera escoitamos a umha mulher que contaba que ao seu filho dumha volta lhe daba por chorar quando o deitaba e que ela o deixaba chorar porque "hay algunas que los malcrían", e que despois duns días a chamarom da gardería porque o neno botaba pus por os ouvidos.

Ás veces alédame tanto "malcriala"...

Que lhe pasa a Lula?

Leva varios días durmindo mal, esperta cada 5 minutos berrando e despois durme deseguida porque temos muito sono. Ademais, hoje na gardería dixerom-me que teve diarréa.

Fomos ao médico, mirou-lhe os ouvidos e a gorxa e dixo que estaba bem, que na barriga só tinha uns poucos gases e que nom lhe notaba que lhe fosem sair os dentes.

Dixo que agardase uns días a ver se se ponhía pior de algo ou lhe saía algum dente e, se nom, "como toma teta, será vicio".

Daqui a um pouco bota a correr

Quando nos descoidamos estava assi a nena apoiada nas barras do curralinho.

Leva mais dumha semá apoiando os pés e na gardería ja me avisaram o venres día 4 que lhe mercase uns zapatinhos para que nom lhe esvarasem os pés, mas desta vez púxose mais dereita do que o fixera.

Aínda bem que lhe falta enerxía!

Semá da lactación materna

Como esta semá é a da lactación materna houbo umha festa na xuntanza de mámoa e forom moitas mamás e bebés.

Conteilhes o que me dixera a enfermeira da pediatra e nom lhes surprendeu nada, mesmo alguem me dixo que a ela lhe dixera a súa pediatra que de lhe sair os dentes ao filho o ía ter que destetar.

Eu xa estava tranquila porque falara com a minha curmá Azu, que sabe muito.

Imos ter que mentir na pediatra?

Fomos a umha revissom da enfermeira da pediatra porque como a nena toma teta lhe quería mirar o peso aínda que nom lhe tocaba ir aos oito meses.

Pesouna e mediuna e dixo que de peso estaba xustinha (xusto por a linha). Preguntou quantas veces comía e dixo que comía veces demais, que aos oito meses debía comer só 5 veces no día e que nom lhe dese nada dende as 12 da noite às 7 da manhá. Que estava claro que como nom engordara muito e comía tantas veces é que usa a teta coma se fosse umha chupeta (nom será que os outros usam a chupeta coma se fosse a teta?) e que de lhe seguir a dar tanta teta lhe ía provocar anemia e infantilismo.

E nom è que nom lhe déa nada mais a comer, que toma puré de verduras com carne todos os días, e froita, que mal tem que ademais tome teta?

A Lula è moi nervosa e eu xa sei que usa a teta para se tranquilizar, e aínda assi lhe custa às veces. É umha das moitas ventaxas que tem a teta, e nom vexo por que vou renunciar a ela, e nom penso pasar as noites ouvindo chorar à minha filha por nom lhe deixar tomar da teta dez minutinhos.

Tambem me dixo que se nom lhe daba papa de cereais nom tería enerxia... (xa mirarstes este blog???!!!)

Ao fim gatinhando !!!

Xusto o día que fixo 7 meses botouse a gatinhar!

Foi à manhá, estando coa tía Anxos, que quando se deu de conta tivo que ir buscar à nena embaixo da mesa.

Outro día terríbel

Papá e mais Lula estiverom melhor hoje, aínda que nom foi moi bem e papá está asustado de volver quedar só com ela.

Aínda bem que manhá e o venres vem a tía Anxos, e eu colhim o día de vacacións o mércores para quedar com ela.

A tía Anxos é a melhor.

Papá vai tolear

Papá quedou hoje com Lula toda a mahá e case toléa. Aínda nom estam moi afeitos o um ao outro, papá nom sabe que fazer quando a nena chora e a nena nom sabe o que pasa...

A meio-día papá nom podía mais e Lula nom se separou da teta e à tarde estiverom mais tranquilos. Espero que manhá todo vaia melhor.

De peso está moi bem...

Pesou 7 kilos e 370 gramos e mideu 66 cm., assí que está moi sá.

Aínda assim, a enfermeira da pediatra quere que voltemos a primeiros de outubro para outra revissom, porque como toma teta...

Por outra banda, a partires de agora vai tomar tamem verduras a meio-día, e em 3 semás poderémos-lhe dar tambem polo e tenreira.

A gardería

Finalmente chegou a carta da segredaría de igualdade da junta para nos dizer que nom imos ter gardería, em principio, até o 17 de setembro.

Papá e mais a tía Anxos forom mirar a gardería privada que tem nas fontinhas mas nom gostarom dela, assi que pensamos quedar com a nena na casa até que abra a súa gardería, a primeirá semá de setembro papá e a segunda semá a tía Anxos.

Agora temos que procurar a alguem para que lhe ajude a papá, porque nom quedou com a nena ele só nunca e tem um pouco de medo.

De passeio em Sabucedo

A vida em Sabucedo é moi divertida, umha cousa da que Lula gosta é de ir passear com os avós à tardinha.

Antes ía no coche de ir deitada, mas agora está moi grande para isso e vai sentadinha.

A primeira froita de Lula

A primeira papa de Lula foi de pátano e laranxa e gostou moito dela.

A revissom do quinto mes

Desta volta Lula tinha o cuínho moi rubio por causa de que confundimos o suavizante có xabón neutro e lavamos os cueiros có que menos tinhamos que lhe botar. A pediatra mandou-lhe umha pomadinha.

Por outra banda, mideu 62,50 cm., pesou 6,36 kg. e tem moita saúde.

Um pasinho mais cara dar um pasinho

Hoje Lula deu levantado o cuínho por primeira vez, pensamos que vai gatinhar ajinha. O problema foi que quando ergueu o cú caeu-lhe a cabezinha.

Nom ha foto porque só o deu feito umha vez.

Sábado da rapa

Despois de jantar fomos à casa dos tíos Lino e Olvido de mamá para ver a baixa dende alí, o problema foi que Lula levou moito susto có ruido dos fogos que anunciabam que chegabam as bestas e se botou a chorar.

Quando a conseguimos acalmar quedou durmida na hamaca e ja nom poidemos ver os cabalos. Aínda que os vimos mais tarde quando íam cara o curro.

Mamá volta ao trabalho

Mamá tivo que voltar ao trabalho, por isso agora Lula queda em Sabucedo à manhá com os avós, que lhe dam o biberom com leite de mamá para que nom pase faminha.

Mamá fai moito de menos à nena, mas levou tres fotos para poder mirar cara ela de cando em vez:

A um paso de gatinhar...

Lula hoxe estivo tentando erguer o cú estando boca abaixo e coa cabezinha erguida. Ademais, deu-se movido um meio metro arrastrádose cara atrás.

Pensamos que está perto de se botar a gatinhar.

Na aldéa de papá

Pasamos o día na aldéa de papá, có avó Eduardo, a tía Ruth e Robert, Pili e Javier e Emérita e Jose.

O avó Eduardo cocinhou-nos um polo asado e um churrasco moi rico, aínda que Lula aínda nom o poido provar, ensinou-nos os enxertos e xogou moito com Lula.

A tía Pili de papá segue a dicir que nom é neneira, e díxo-lhe a Emérita que Lula lhe ría a ela mais do que a ninguem, aínda que o certo é que Lula lhe rí a todo o mundo, ao avó Eduardo mesmo lhe riu a gargalhadas.

Rir à esgalha !!!

Hoje Lula riu às gargalhadas por primeira vez, a conta dos chistes que lhe fixo a tía Anxos.

Ademais, na terraça na que estabamos tomando algo a tía Anxos e mais mamá, Lula nom quixo ser menos e lhe botou as mans e a testa à cerveja de mamá, e case tira com ela. Depois quería lamber as mans porque lhe caíra cerveja nelas.

Que mal imos... e aínda tem só 4 meses...

Lula quere beber

Estivo o día enteiro botándo-lhe as mans aos vasos cada vez que nos vía beber a nós. Ao final acheguei-lhe o vaso aos beizos, púxo-lhe as mans arredor, botou a lingua fora e penso que bebeu um pouco.

Nom estou moi certa de que fose bóa ideia dar-lhe porque tusiu um pouco, imaxino que por a temperatura da auga (do tempo, nom quentinha como o leite que toma sempre).

Ademais, papá cambiou o seu primeiro cueiro, e o fixo moi bem.

Estamos acatarradinhas

Onte voltamos ao médico porque Lula está acatarradinha dende o domingo, que se puxo a chover e baixarom bastante as temperaturas.

O mércores parecía que estaba melhor, mas o xoves à manhá volver estar mais atascadinha e decidim ir ao médico porque ja levaba muito tempo malinha.

E ali fomos, chovendo como chovía, e eu acatarrada também dende o luns (e sem poder tomar mais que paracetamol).

A pediatra miroulhe os ouvidos, ascultoulhe o peitinho e preguntou se comía bem, que come. Dixo que estaba bem, e que mentres o catarrinho nom se compricase nom havía mais que agardar.

Ja temos cole

Pedimos sitio para a galescola de Vite e para a escola municipal de Fontinhas.

Na galescola de Vite demos pedido sitio porque José Ramón e Teresa me avisarom de que o prazo estaba a piques de rematar e de onde podiamos colher os papeis. O día antes de que rematase o prazo eu fora preguntar a información da vicepresidencia e me dixerom que nom sabíam rem, a pesares de que o día seguinte, o día que remataba o prazo, foi na mesma janela na que entreguei a solicitude.

Na galescola de Vite entramos por pouco, porque (nom me preguntes por que) os nenos dos funcionarios da xunta entram antes, afortunadamente nom ha moitos cativos que nacesem este ano, o neno de José Ramón e Teresa nom entrou porque naceu no 2006 e desse ano entrarom mais de 20 filhos de funcionarios e só quedarom 3 praças para os demais. Nom entendo isto, paréceme bem que lhes ponham umha gardería para eles no edificio da xunta mas nom entendo que tenham ventaxa por diante dos demais numha escola pública, que pagamos todos.

O mércores, antes de ir á xuntanza de Mámoa, fomos mirar se entraramos na escola de Fontinhas e estabamos bastante abaixo na lista de espera, assi que hoje ja nos fomos matricular na galescola.

Umha vacina mais

Fomos à pediatra para a revisom dos 4 meses, dixéram-nos que nos íam mandar tomar cereais porque nos dixeram que sempre o mandabam aos 4 meses mas, na conta disso, dixo que Lula estaba moi bem de peso e que seguise só có peito.

Imos ter que lhe devolver a sona, porque ademais nos dixo que, no caso de que lhe quixese dar cereais, que tivese conta de lhos dar sem glutem, e que lhos dese fazendo a papa có leite do peito.

Que nena mais espabilada!

Os mércores imos à xuntanza coas de mámoa, a asociaçom pro-lactancia, e alí Lula xoga na colchoneta mentres mamá fala coas outras nais.

Desta volta lula andivo a rebolos na colchoneta, dando voltas de boca arriba a boca abaixo e de boca abaixo a boca arriba, e colocaba bem os brazinhos estando boca abaixo e erguía a cabeça, e todas se surprenderom porque seica aínda è moi pequecha para fazer todo isso.

Debe ser de tudo o que xoga na manta que lhe mercamos...

Aprobamos !!!

Hoxe na pediatra Lula pesou 5 kilos com 40 gramos, e a enfermeira dixo que se podia seguir alimentando com teta em exclusiva.

O certo é que nesta semá aprendim que a nena precisa moito mais do que meia hora para comer, esta semá tem comido, de cada vez, entre 1 hora e 1 hora e meia.

Que bem que ha asociaçoms pro-lactáncia

Hoxe puxémonos assi de guapas e fomos á xuntanza de Mámoa.

Na xuntanza de Mámoa dixerom-me que lhe dar com mais frecuéncia era moi bóa ideia, e me derom mais conselhos, como nom lhe cambiar de peito ate que o rematase porque ao final está o que tem mais graxa e lhe vai engordar mais (aínda que eu xa o sabía porque mo dixera Azu).

Dixerom-me que nom me preocupase, porque a nena está sá e moi espabilada, assi que está bem, independentemente do peso.

Ademais estiverom-me a explicar cousas sobre o do percentil, que as táboas que manexam os pediatras estam feitas com nenos americanos alimentados com biberom, e que existem outras táboas que fixo a OMS com nenos de teta do mundo enteiro e me facilitarom um programa para a computadora que calcula o percentil da nena segundo essas táboas.

Estou moito mais tranquila, ademáis a nena está no percentil 7,8 para a súa idade e peso segundo esse programa.

Outra vez o peso

A enfermeira da pediatra quíxo-lhe fazer umha revisom para pesala aos 3 meses, aínda que xa até os 4 meses nom lhe tocase ir, e aínda bem porque neste tempo Lula deixou de ganhar moitísimo peso, só pesa 4 kilos com 860 gramos, e baixou dum percentil de arredor do 6 a um percentil 3 (isto é que só o 3% dos nenos sáns do seu tempo pesam menos do que ela).

Eu pensaba que estaría bem porque ja nom me pedía tanto e tomaba em menos tempo, e pensei que era porque lhe chegaba bem, e parece que era que estaba a quedar sem forzinhas nem para protestar.

Ademais, está moi espabilada, mirade que bem levanta xa ela a súa cabezinha

A enfermeira dixo que lhe habería que dar complemento, e eu nom quero porque quando tomaba tambem biberom nom tomaba da teta. Propúxem-lhe dar-lhe o peito com mais frecuéncia e volvela pesar a semá vindeira e dixo que dacordo.

Manhá voltarei a ver às de Mámoa, a ver se me axudam.

O cumpreanos do tío Moncho e a bisavóa Cuca

Estivemos em Vigo para festexar o cumpreanos do tío Moncho e mais da bisavóa Cuca.

A bisavóa Cuca estaba encantada de ter a Lula no colo, que para isso é a súa primeira bisnetinha.

Houbo umha tarta de cumpreanos moi rica de chiculate que fixera a tía avóa Nai, e que soprarom os dous mozos do cumpreanos.

Mágoa que Lula aínda nom sexa grande abondo para tomala, aínda que o leite da teta de mamá ha de estar bó tambem.

A semá santa em Sabucedo

Na semá santa fomos a Sabucedo moitos días. O mércores fomos com papá e despois, como papá tivo que ir a Vigo, fomos sóas Lula e mamá moitos días.

A tía Anxos xogou moito com Lula, e lhe mudou os cueiros, e a paseou... mamá estaba moi contenta de lhe dar o peito porque case era o único intre no que lhe deixabam estar com Lula.

A avóa Carminha tambem lhe cambiou moitos cueiros, para ir practicando xa que Lula vai quedar com eles às mahás no vram, e o avó Pablo movíalhe o cochinho a Lula cando choraba de sono para que durmise, e todos falarom moito com ela.

Ademais, na semá santa Lula conheceu a moita xente em Sabucedo, aos tíos avós Olvido, Lino, Manuel, Adolfo, Elsa, Cristina e Jaime, e aos primos de mamá Chila, Boby, Santi e Loli. Tambem estabam a prima María, Tania e Anxo, pero xa os conhecía.

A tía avóa Olvido dixo que comer cada dúas horas era moito comer, que nom lhe debía dar antes das tres horas, e mamá comezou a lhe fazer caso porque a tía avóa Olvido criou a moitos rapaces.

Fabián vem a Santiago

Aproveitando que vinhera Fabián a Santiago tambem vinherom a tía Ruth e o tío Moncho, que som tambem amigos de Fabián.

Lula estaba um pouco nervosa por ter tanta xente na casa, e coma Lula xa é nervosinha de por sí, estar um pouco nervosa quere dizer que nom daba deixado de chorar, aso que a tía Ruth a colheu e a acarinhou até que Lula quedou durmidinha no seu colo. Que mam tem a tía Ruth!

Fabián fíxolhe tambem moito casinho a Lula e ela encantada, claro, porque lhe encanta que os maiores falem com ela e mirem as cousas que fai.

Despois fomos dar umha volta por Santiago Fabián, o tío Moncho, papá, mamá e mais Lula.
O tío Moncho levou a Lula na mochila case todo o tempo, e xa se pode crer, porque por causa disso nom puido fumar em todo o tempo do passeio.

A tía Pili

Vinherom de visita a Pili e mais Javier, os tíos de papá, coa tía Ruth e mais Robert.

A tía Pili de papá di que nom é neneira, mas quixo ter a Lula no colo todo o tempo, a pobrinha da tía Ruth tivo que se conformar com lhe sacar a Lula fotos có móbil.

Os avós vem de visita

O avó Pablo e a avóa Carminha están de visita. Eles vem os venres, sempre que podem, e imos pasear eles, mamá e Lula.

O avó Pablo sempre quere empurrar o coche de Lula, e mentras mamá e a avóa Carminha vam falando das súas cousas, o avó Pablo fala com Lula.

O banho

Antes Lula nom gostaba do banho, mas cada día o disfruta mais. Ademais, sempre lhe chama a atençom a cámara de fotos e adora mirar cara papá.

Nesta foto xuntárom-se as tres cousas, por isso Lula tem esa carinha entre curiosa e leda.

Outra vez no pediatra

Estivem-lhe dando de mamar meia hora cada vez que pide e o peso vai bem.

Primeira visita à pediatra

Tinhamos que ter ido ao pediatra aos 15 días de nacer a nena, só que como estava no hospital...

De todos os xeitos, nesta visita dixerom-nos que todo está bem, aínda que a nena está algo baixa de peso, temos que voltar numha semá para ver como evolúe o seu peso.

Comentei-lhe à enfermeira da pediatra que a nena está a chorar o día enteiro e se é normal que nom durma nada, ela ensinou-me a lhe quitar os gasinhos da barriguinha e me dixo que nom lhe podía impor um horario se lhe daba o peito, mas que quando ela quixese teta que nom tinha por que tomar mais de meia hora e, depois, a durmir.

Vou fazer assi, a ver que tal...

Visita às de Mámoa

Fomos ver às de Mámoa para lhes agradecer os seus conselhos, a tal Marinha nom estava mas estivemos com umha tal Concha que dixo que eu era moi valente por lhe dar o peito à nena em exclusiva depois de 16 días no hospital e que tinha moita sorte porque Lula mama moi bem.

Para mirar que tal mamaba fíxome dar-lhe o peito alí, o cal nom me fixo moito aquel porque me rompía os horários que lhe quería impor, aínda que nom dixem nada porque sei que elas nom estam dacordo com horario nengum, só que isso nom é soluzom para quem tem umha filha que chora o día enteiro.

Por que chora?

Lula leva dous días na casa e nom deixa de chorar, día e noite. Esta seguido na teta, mamando e durmindo mas nom a podo pousar nunca porque se a pouso esperta, e berra moitísimo, e chora.

Estou desesperada, nom podo durmir, nem comer, nem ir ao banho nem me duchar, só podo estar coa nena no colo e a teta na súa boquinha.

Papá dixo que nom podía ser que, se levaba dúas ou tres horas comendo, seguise a ter fame, e me obrigou (e lho agradezo) a agardar os minutos que di no livro do Estivill. Había que agardar 1 minuto e, antes de que se cumprise, a nena quedou durmida. Penso que choraba de que tinha tanto sono que se sentía mal a gusto.

Chamei a Azu e mais a Maika desesperada a lhes pedir conselho. Azu díxome que lhe dese teta tanta coma ela quixese mais isso nom pode ser porque é o que fago agora e assi nom vou dar sobrevivido moito tempo.

Maika díxome que a ela lhe aconselharam que lhe dese cada 3 horas e nom mais de um cuarto de hora de cada teta, que a nena assi se espabilaba e comería mais rápido de cada vez. Quando saim do hospital déram-me um papel com instrucçoms de como fazer um biberom e uns horarios de tomas, vou tentar seguir os horarios de tomas.

Volveu-me subir o leite!

O de lhe dar seguido, como dixo Marinha a de Mámoa, funciona de verdade! Hoxe erguim-me com os peitos inzados de leite coma o día que me subeu o leite aos 3 días de nacer Lula, ou mais!

Ao fim na casa!!!

Hoxe deixarom vir a Lula pra casa, o avó Pablo foi ao hospital para nos axudar e alí atopou ao irmán da tía Elsa, que è pediatra, e nos foi saudar à sá de lactancia.

Ao chegar à casa estabam papá, a tía Ruth e o avó Eduardo a agardar por nós.

Mamá nom deu xantado até as catro e meia porque Lula nom deixaba de mamar e, quando quedaba durmida, espertaba e se botaba a chorar em quanto a pousabam no cuco.


E assí xantou mamá, despois de lhe dar a teta a Lula mais de dúas horas e meia seguidas, ouvíndoa chorar, e a todo correr, mentres a tía Ruth e o avó Eduardo lhe dicíam que a nena tinha fame.

Mámoa

Nom sei quando me vam deixar levar à nena pra casa, estou um pouco preocupada por quando chegue ese día porque agora nom me está a tomar nada do peito.

Por isso, chamei a um teléfone do folheto de Mámoa, que é umha asociazom pro-lactáncia de Santiago, para pedir axuda a umha tal Marinha.

Ela explicou-me que quanto mais mama a nena mais leite produces, assí que para dar producido leite abondo, chega com pór à nena na teta tanto como ela quera. Quedei moito mais tranquila, quando a leve prá casa vou pasar de mercar leite de farmacia para nom cair na trampa de lhe dar se chora e me parece que o meu leite nom lhe chegue.

Chegou o entroido

Chegou o entroido e as enfermeiras de neonatos disfrazarom aos nenos com traxecinhos de papel pinocho.

A foto sacou-lha a tía Anxos, que a foi ver a neonatos.

Um peiteado novo

Lula está ingresada en neonatos para lhe pór o antibiótico, dixéronnos que vai ter que ficar lá 5 días até rematar o tratamento.

Aínda que é moi pequerrecha móvese muito e onte arrincou a vía que levaba na mam, por isso lhe tiverom que pór a vía na cacholinha. Está bem porque na mam lhe molestaba muito e na cabeça nom parece que lhe moleste.

A primeira visita de mamá

Mamá foi à manhá a ver a Lula por primeira vez. Estaba deitada no berzinho, com umha vía na mam para o antibiótico, na outra mam um cabo para a monitorizar e umha vía nasogástrica para a alimentar. Nom a poidem colher no colo, só a acarinhei e lhe falei baixinho. Por o de agora só a poderemos ir ver de 13:00 a 13:30 e de 16:00 a 16:30.

Naceu Lula

Lula acaba de nacer, um pouco à forza porque como non daba saído, mamá leva dous días recibindo oxitocina por varios meios e rompeu augas às dúas da manhá. Acabou na sá de dilatación con quatro pingueiros na véa: un com oxitocina, outro para hidrataçom, outro com glucosa porque o coraçom de Lula latexa menos durante as contraçons, outro com antibiótico por a infeiçom das augas.

Pesou 2,910 kg. e mideu 49 cm., estaba moi rubia e parecía moi longa.

Como as augas estavam infeitadas a Lula levárona numha incuvadora a ver a papá e a mamá, e depois á pranta de neonatos para lhe pór antibiótico. Papá ficou moi emocionado porque Lula colheu a manta e se cubreu com ela, e papá pensou que era a nena mais lista do mundo.