Dúas horas bem bonitas

Hoje fomos durmir ás nove. Puxémonos a tomar teta no colinho e quedou durmida, pensei que se a deitaba na cama igual era mais dificil que espertase que se a deitaba no berce así que a deitei ao meu carom.

Remexeuse um pouco buscando a teta, así que lhe dim umha pouca. O que a mim me preocupaba era que se volvese pór nervosa coma os últimos días, assi que que estivese tomando teta meio durmida erá bó, aínda que fosse muito tempo.

Depois comezou a se mover por a cama, e ficaba queda e deitada com cada pasinho que daba. Quando se achegou muito á beira da cama me deitei quanda ela e lhe volvim dar teta e volveu quedar durmida.

Leveina ao berce e quando a deitei abreu os olhinhos. Sorriu e se ergueu, aínda que nom foi canda mim senom que se puxo a xogar e a mirar cara o cham e a rir.

Entom foi canda mim e dixo "Te-ta", mas nom quería que a colhese, púxo-se a mamar no berce, e mentres ía mamando ía-se escorregando cara o berce até que quedou durmida.

O problema é que estamos as dúas malinhas, e desta volta deume a mim por espirrar. A nena espertou, sorriu, ergueu-se no berce e deu-me umha aperta. Entom colhina, metina no colo, dim-lhe umha pouquinha de teta e desta volta si que quedou durmidinha de tudo.

Forom dúas horas o que nos levou durmir, mas forom dúas horas bem bonitas.

Muito tarda em durmir

Hoje foi um pesadelo durmir á nena. Fomos pra cama ás oito e meia e nom durmeu até as once e meia. E mentres por momentos trabou-me, chorou, xogou... e eu estaba tam cansa que pensei que nom podía mais.

Está alterada com tudo isto do nadal... e aínda queda reis !!!

A noite de fim de ano

Como iamos cear na casa dos avós de Sabucedo e iamos durmir aí tamem, puxemos-lhe o pixama á nena para que fose durmir quando tivese sono.

Ás nove parecía que tinha sono e a levei a durmir. Dim-lhe teta, ficou durmida e a deitei no berce, e entom abreu os olhos e se puxo a xogar no berce, e outra vez a lhe dar teta e outra vez a jogar no berce.

Contra as dez foi-me buscar o papá de Lula para me avisar que iamos cear, assí que fomos ás dúas pra cear. Ceamos o avó, a tía Anxos, o papá, a mamá e mais Lula. A avóa estaba agripadinha na cama.

Depois de cear, arredor das once, fum-a deitar para poder ir ás doce tomar as uvas. E volvemos com o mesmo lío: mamar, jogar, mamar jogar... á umha da manhá nom podía mais e lhe dissem: "Fai o que queras, eu vou durmir" e me deitei na cama, a carom do berce.

Entom puxo cara de "Nom vas jogar mais comigo ?! :-(" e protestou um pouquinho. Eu dissem-lhe que estaba moi cansa e lhe volvim dar teta. Daquela finalmente durmeu... Que trabalhinho !!!

Um novo amigo na gardería

A Lula só se relaciona na gardería com os nenos que gatinham ou caminham, dos que nom se movem nom quere saber nada. A súa companheira de exploraçoms é umha nena que se chama Sabela. Dumha volta dixo-me a mestra Estrella que subirom as dúas xuntas a umha trona e depois nom sabíam como baixar.

Agora lévase tambem com um neno que se chama Hugo porque, aínda que aínda nom gatinha, empúrra-se com um pé e vai-se movendo. Contou-me a mestra Eva que coma Lula gatinha moi bem e o neno vai mais amodo, a nena de quando em vez para, senta, dá a volta e agarda por el.

Tambem me contou que hoje a nena foi parar a agardar por ele a carom do mantel da mesa, e entom a nena colheu o mantel e se tapou a carinha, e depois sacou o mantel de diante e botou a rir, e volveu tapar a cara e o volveu sacar e rir, a mestra Eva estaba abraiada e nom podía deixar de rir coa ocorrencia da Lula.

A canguro

A Lula está melhor, mesmo toma melhor as mencinhas e ja nom tem febre, mas o médico de urgéncias do luns disse que para se recuperar bem era melhor que tardase em ir à gardería e decidimos que nom fosse até o luns.

Manhá é festa e o venres vai ficar com os avós em Vigo mas hoje chamamos umha canguro para que a atendese e papá pudese trabalhar um pouco.

A canguro chámase Rebeca e foi moi doce com ela e ficamos encandados com ela. Ja temos soluçom para outra vez que a precisemos.

Quase afoga!

Leva días a berrar quando lhe damos as mencinhas, e isso que antes chuchaba do apiretal coma se fose da teta!

Hoje tivemos-lhe que dar o anti-biotico à força e quase afoga, abreu muito os olhos e a boca e depois botou umha cheia de flemas.

Eu tinha que ir trabalhar e papá ía quedar coa nena porque onte teve mais de 39 quase toda a tarde, e os dous quedamos preocupados com isto assi que papá chamou ao 061 (o telefone que salva aos pais preocupados de passar meia vida em urgéncias e aos médicos de urgencias de atender a meninhos que nom tem nada), e no 061 disserom-nos que a levásemos a urgéncias por se lhe tinham que dar as mencinhas por véa.

Papá chamara onte ao 061 porque a nena tinha muita fevre e o médico do 061 lhe disse que nom se preocupase, que como toma teta a nena tem o sistema imunológico de uma pessoa de 34 anos (e eu fiquei toda cheia, aínda que nom gostei muito de que consultase a minha idade).

Em urgéncias atendeunos um médico moi amábel que me preguntou qué comía a nena. Eu dissem-lhe um pouco avergonhada que tomaba teta e papa e fruita, mas que dende que estaba enferminha nom quería mais que teta e que nom lhe dera nada mais toda a fim de semá. A verdade é que tinha um pouco de medo de que me berrase por nom lhe dar a carne e as verduras mas ele disse que muito bem, que mentres estivese enferminha a teta era o melhor que podía tomar.

Se nom fosse pediatra de urgéncias igual pedía cambiar para ele!!!

Ja sabemos que tem !

Hoje á manhá quando levei à nena à gardería dixerom-me que tinha que levar à nena ao médico, dissem-lhes que onte nom poidera e que tinha cita para hoje á tarde, mas que foramos o martes e nos dissera que nom tinha nada. Elas concordam comigo em que algo tem.

Era quase a uma da tarde quando me chamarom da gardería para me dizer que fose buscar à nena porque tinha febre.

Fomos buscar à nena e a levamos a urxencias. Quando chegamos ja nom tinha febre, mas nos disserom que tinha conxuntivite, gastroenterite e otite, e que por causa da otite (que seica dóe muito) é por o que ao apoiar a cabezinha ao a pousar no berce era por o que espertaba e choraba. Mandarom-lhe tomar um antibiótico.

Á tarde fomos á doutora para que lhe mirase os ouvidos e lhe poidese fazer melhor o seguimento, e na sala de espera escoitamos a umha mulher que contaba que ao seu filho dumha volta lhe daba por chorar quando o deitaba e que ela o deixaba chorar porque "hay algunas que los malcrían", e que despois duns días a chamarom da gardería porque o neno botaba pus por os ouvidos.

Ás veces alédame tanto "malcriala"...